...

İqtisadi İnkişaf Nazirliyi və Barmek elektrik şəbəkələrinin təhvil-təslimi haqqında protokol imzalayıb

Biznes və iqtisadiyyat xəbərləri Materials 4 Avqust 2006 18:25 (UTC +04:00)

Trend-i buradan izləyin

İqtisadi İnkişaf Nazirliyilə Barmek enerji paylaşdırıcı şirkəti arasında Sümqayıt və Bakı elektrik şəbəkələrinin təhvil-təslimi üzrə razılıq haqqında protokol imzalanıb. Bu barədə Trend ə şirkətdən xəbər veriblər. Barmekdə hesab edirlər ki, elektrik şəbəkələrini nazirlik qəbul edəcək, lakin prosesin başlanma tarixi hələ müəyyənləşdirilməyib.

Çox ehtimal ki, bu proses şirkət tərəfindən yatırılmış investisiyaların qiymətləndirilməsindan sonra başlayacaq ki, bunun üçün də auditorun seçilməsi lazımdır. Nazirliklə Barmek 4 iddiaçı arasından Ernst&Young şirkətini seçib. Ernst&Young nazirliklə müqavilə imzaladıqdan sonra qiymətləndirmə prosesinə başlaya bilər.

Barmek şirkətinin investisiyalarının qiymətləndirilməsi həm də ona görə aktualdır ki, Barmek İqtisadi İnkişaf Nazirliyinə qarşı beynəlxalq məhkəmədə iddia irəli sürüb. İddia artıq qeydə alınıb, lakin onun baxılması tarixi hələ müəyyənləşdirilməyib. Barmek-ın nazirliyə qarşı yerli məhkəmə instansiyalarında qaldırdığı iddialarla bağlı vəziyyət də eynidir. Nazirlikdə hesab edirlər ki, əslində şirkət göstərilmiş həcmdən xeyli az investisiya yatırıb.

Barmek Holding ilə İqtisadi İnkişaf Nazirliyi arasında "Bakıelektrikşəbəkə"nin uzunmüddətli idarəyə verilməsi haqqında müqavilə 2001-cı, "Sumqayıtelektrikşəbəkə" üzrə müqavilə isə 2002-ci ildə ildə imzalanıb.

Xəbər lenti

Xəbər lenti