...

Azərbaycanın Milli Bankı ipoteka krediti sahəsində tədqiqatlara dair şərhlərini avqustun sonuna qədər BMK-ya təqdim edəcək

Biznes və iqtisadiyyat xəbərləri Materials 11 Avqust 2006 16:44 (UTC +04:00)

Avqustun sonuna qədər Azərbaycan Milli Bankı "Azərbaycanda ipoteka mənzil kreditinin ilkin bazarının təhlili" adlı regional hesabata dair şərhlərini Beynəlxalq Maliyyə Korporasiyasına (BMK) təqdim etməyə hazırlaşır. Bu barədə Trend ə AMB-nin baş direktoru Rüfət Aslanlı xəbər verib. Onun sözlərinə görə, 2006-cı il iyulun 27-də Bakıda təqdimatı keçirilən bu sənəd tamamilə dəyişdirilir.

"BMK ekspertlərinin qiyməti 2005 -ci ilin sonuna olan məlumatlara əsaslanıb, o vaxt isə Azərbaycanda hələ ipoteka krediti yox idi, əsas sənədlər təsdiq edilməmişdi", - deyə R.Aslanlı bildirib. İpoteka mexanizminin inkişafı üzrə əsas təşəbbüslər 2006-cı ildən etibarən olub və korporasiyanın ekspertlərinin əsaslandıqları məlumat bazası və hüquqi baza yeni formada qiymətləndirilməli idi.

"Onların təklif etdikləri əsasən yerinə yetirilib - mexanizm və yeni alətlər cəmi 5 aydır ki, fəaliyyət göstərir. Aydındır ki, mexanizm uzun müddət işlədikdən sonra tədricən təkmilləşməlidir. Tezliklə sənədi hazırlayacağıq. Və BMK-ya bildirmişik ki, çox şərhlərimiz var", - deyə R.Aslanlı bildirib.

Mərkəzi Asiya ölkələrində ipoteka mənzil bazarının tədqiqi BMK-nın "Özəl sektorun inkişafında tərəfdaşlıq" proqramı çərçivəsində həyata keçirilirdi. Proqram İsveçrənin iqtisadi münasibətlər üzrə Dövlət Katibliyi tərəfindən maliyyələşdirilir və BMK tərəfindən həyata keçirilir. Proqramın fəaliyyətinin nəticələrinə görə Mərkəzi Asiya bölgəsində ipoteka mənzil kreditləşməsi bazarının vəziyyətinin keçirilmiş diaqnostik tədqiqatı haqqında regional hesabat hazırlanıb və bu bazarın hər bir ölkədə həyata keçirilməsi üzrə onun inkişafı üçün konkret tədbirlər planı təklif edilib.

Xəbər lenti

Xəbər lenti