Gürcüstan və Rusiya arasında yaranmış siyasi problemlərə görə Azərbaycan ərazisindən keçməklə maye yüklərin daşınması Azərbaycan sisternlərindən istifadə etməklə həyata keçirilir. Bu barədə Trend ə Azərbaycanın Dövlət Dəmir Yolu İdarəsindən məlumat verilib.
Əvvəllər maye yüklər Azərbaycan ərazisindən keçməklə Rusiyadan Batumi limanı istiqamətində Rusiya sisternləri ilə daşınırdı. Hazırda həmin marşrutla 50 min ton həcmində mazut daşınır.
Türkmənistandan tanker donanması ilə, "Daqnefteprodukt" neft bazası və Türkmənbaşı - Maxaçqala bərə keçidindən keçməklə gələn tranzit neft yüklərinin daşınması 2006-cı ilin iyun ayında başlanıb. Daşınmalar "RDD" ASC, Azərbaycan və Gürcüstan dəmir yol idarələri tərəfindən razılaşdırılıb. İlk dəfə 113 min ton neft və neft məhsulları sifariş edilib.
