Bakı fond birjasında (BFB) "Tekhnikabank" ASC-nin faizli sənədsiz adlı istiqrazları satılıb.
Trend birjanın məlumatına istinadən xəbər verir ki, 2 mln. ABŞ dolları həcmində elan olunmuş emissiya elə ilk hərracda tamamilə satılıb. Alıcılar iki hüquqi şəxs - qeyri-rezident olub.
Bir istiqrazın nominal dəyəri 1 min ABŞ dolları təşkil edib və satış qiyməti də elə həmin həcmdə müəyyən olunub.
İstiqrazlar üzrə gəlirlilik 14%, tədavül müddəti 730 gün təşkil edib.