Azərbaycan Nazirlər Kabinetinin sərəncamı ilə ölkə ərazisində mehmanxanaların və mehmanxana tipli obyektlərin fəaliyyətinin həyata keçirilməsinə lisenziyaların alınması üçün əlavə tələblər təsdiq olunub.
Hökümətdən Trend ə verilən xəbərə görə, mehmanxana biznesinə icazənin alınması üçün dövlət rüsumu şərti maliyyə vahidinin 1500 misli həcmində müəyyən olunur.
Yeni qaydaya görə obyekt haqqında ətraflı məlumatın (otaq və yerlərin sayı, otaqların təchizatı, obyektin təklif etdiyi servis və xidmətlər haqqında) təqdim olunması tələb olunur.
Lisenziya almaq üçün obektin istismara qəbulu üzrə komissiya aktının, Fövqəladə Hallar Nazirliyinin onun yanğın təhlükəsizliyinin tələblərinə uyğun olması haqqında sənədinin, obyektin sanitar-ekoloji norma və qaydalara uyğun olması haqqında Səhiyyə Nazirliyindən sənədin surətinin təqdim olunması tələb olunur.
Bu qaydalar 25 dekabr 2007-ci il tarixindən qüvvəyə minib.