Azərbaycan, Bakı/ Trend müxbir İ.Xəlilova/ Azərbaycan Milli Bankının İdarə Heyəti xarici bankların bank və yerli filialları tərəfindən kənar audit aparılması üzrə tələblərin yeni qaydalarını təsdiq edib. Sənədləri təqdim edən Milli Bankın Kredit təşkilatlarnın fəaliyyətinə nəzarət üzrə metodologiya Departamentinin rəhbəri Vüqar Hacıyev bu qaydaların vacibliyini bildirərək qeyd edib ki, bunlar Ədliyyə Nazirliyi və Azərbaycanın Auditorlar Pallatası ilə razılaşdırılmaqla hazırlanıb. Qaydalar "Banklar haqqında", "Milli Bank haqqında", "Auditor fəaliyyəti haqqında", "Auditor xidməti haqqında" qanunlar və Bazel komitəsi, Audit və standartlaşdırma üzrə Beynəlxalq birlik və s. təşkilatların məsləhətləri nəzərə alınmaqla hazırlanıb.
Hacıyevin sözlərinə görə, kənar audit bankların özlərinin istəyi və Milli Bankın təşəbbüsü ilə həyata keçirilə bilər. Milli Bankın əsas tələbi bank hesabatlarının beynəlxalq standartlara uyğun olmasıdır. Bəzi hallarda beynəlxalq stanadartlar yerli standartlarla uyğun gəlmədiyi təqdirdə üstünlük milli qanunveriliciyə verilir.
Auditiorlar üçün yenilik ondan ibarətdir ki, onlar həmçinin bankın fəaliyyətinin AMB-nin müəyyən etdiyi korporativ idarəetmə stanadartlarına uyğunluğunu yoxlamalıdırlar. Auditorların öhdəliklərindən biri də audit zamanı banklarda aşkar olunmuş qanunvericiliyə zidd olan ciddi pozuntu, itki və fəaliyyətlər barədə AMB-yə məlumat verməkdir. Bunların sırasına kreditor və əmanətçilərin maraqları üçün təhlükə yaradan pozuntular, qanunvericiliklə müəyyən olunmuş minimum ümumi kapital həddini azaldan pozuntular aiddir.
Auditorlar üçün əlavə tələblər bankın rəhbərliyi üçün hesabatın hazırlanmasıdır ki, Beynəlxalq Maliyyə Korporasiyası nümayəndələrinin müşahidələri üzrə bu da auditor xidmətinin bahalaşmasına gətirib çıxarır. May ayının sonuna qədər banklar mütləq qaydada Milli Banka audit hesabat təqdim etməlidirlər. Əgər auditor yoxlaması tez başa çatdırılıbsa, bu zaman qərar imzalandıqdan sonra üç gün müddətində təqdim olunmalıdır. Yoxlamalardan 6 ay sonra xarici audit zamanı müəyyən olunmuş çatışmazlıqların aradan qaldırılması barədə Milli Banka izahat təqdim olunmalıdır.
AMB nümayəndəsinin sözlərinə görə, Milli Bank auditin nəticələri ilə qane olmadıqda, o, yeni auditor yoxlamasının keçirilməsini tələb edə bilər.
