Azərbaycan, Bakı/ Trend müxbir İ.Əlizadə/ Yaxın vaxtlarda Sabirabad-İmişli magistral avtomobil yolunun tikintisi və yenidən qurulması üzrə kredit sazişi imzalanacaq. Bu barədə cümə axşamı "Azəryol" ASC-nin sədri, millət vəkili Cavid Qurbanov məlumat verib.
Qurbanov qeyd edib ki, artıq bununla bağlı danışıqlar başa çatıb. Saziş imzalanandan sonra Sabirabad-İmişli yorlunun tikintisinə və yenidən qurulmasına başlanılacaq. Lakin "Azəryolservis" sədri hansı maliyyə institutu ilə razılığa gəlindiyini açıqlamayıb.
Qurbanov onu da bildirib ki, 2008-ci ilin sonuna qədər Azərbaycanın strateji əhəmiyyətli magistral yollarında tikinti və yenidənqurma işləri başa çatdırılacaq
O söyləyib ki, Bakı-Şamaxı, Bakı-Gürcüstan sərhədi və şimal istiqamətində olan yollarda aparılan yenidənqurma və tikinti işləri başa çatmaq üzrədir.