Azərbaycan, Bakı /müxbir Trend S.Əliyev/"Middle East Petrol" nəqliyyat şirkəti Azərbaycan terminallarından Gürcüstanın Poti və Batumi, gələcəkdə isə Kulevi limanına neft və neft məhsullarını daşımaq üçün əlavə sisternlərin alınması imkanlarını nəzərdən keçirir. Bu barədə şirkətin vitse-prezidenti Tahir Gözəl məlumat verib.
Onun sözlərinə görə, sisternlərin sayı Xəzərin cənub sahilindən iri yük göndərənlərin sorğularından asılı olacaq. Orta hesabla təxminən 2000 sisternin alınması nəzərdə tutulur.
Neft nəqliyyatı ekspertlərinin qiymətləndirmələrinə əsasən, hazırda Azərbaycan Dövlət Dəmir Yolu 2,5 min sistern parkına malikdir. Gürcüstan Dəmir Yolu - 2 min, "Azərtrans"-800, "Middle East Petrol" - 500, digər yük daşıyanlar və parka cəlb olunanlar - 500 sisternə malikdir.
