Azərbaycan, Bakı/ Trend müxbir S.Babayeva/ Azərbaycanın Dövlət Baytarlıq Xidməti ölkənin sərhədyanı rayonlarındakı donuzçuluq təsərrüfatlarında "Afrika taunu" xəstəliyinin olub-olmamasını aşkar etmək üçün araşdırma aparıb.
Bazar ertəsi Dövlət Xidmətindən verilən məlumata görə, 79 qan nümunəsi əsasında həyata keçirilən yoxlama nəticəsində virusun olmaması aşkar olunub.
Xəstəliyin vəhşi və ev donuzları arasında yayılmasını nəzərə alan Dövlət Xidməti sərhədin vəhşi heyvanların miqrasiya zonasında nəzarət tədbirləri həyata keçirir.
İyunun 7-də Gürcüstandan bu ölkədə "Afrika taunu" xəstəliyinin yayılması ilə əlaqədar donuz əti idxalına qoyulmuş qadağa qüvvədə qalmaqdadır.
Dövlət Xidməti Azərbaycan ərazisində virusun yayılmasının qarşısını almaq üçün gücləndirilmiş rejimdə fəaliyyət göstərir. Gürcüstandan gələn bütün nəqliyyat vasitələri sərhəddə dezinfeksiya olunur.
