Azərbaycan, Bakı / Trend müxbir İ.Xəlilova / "Azərbaycan investisiya şirkəti" (AİŞ) Özəl sektorun inkiaşafı İslam korporasiyası (ICD, İslam inkişaf bankının (İİB) strukturu) ilə qarşılıqlı anlaşma haqda memorandum imzalayıb. Bu barədə bazar ertəsi AİŞ-dən məlumat veriblər.
Sənəd özündə Azərbaycanın qeyri-neft sektoruna birgə investisiyaların yatırılması, iqtisadiyyatın müxtəlif sahələrində birgə araşdırmaların həyata keçirilməsi, layihələrin birgə dəyərləndirilməsi maliyyə təhlili, perspektiv layihələr və potensial investorlarla bağlı informasiya mübadiləsi, investor şəbəkəsinin genişləndirilməsi və s. məsələləri əks etdirir.
Bundan əlavə birgə investisiya şirkətinin yaradılması nəzərdə tutulur. Belə bir maliyyə institununun yaradılması təşəbbüsü İİB prezidenti Əhməd Məhəmməd Əlidən ərəb maliyyə institutları və investorlarının iştirakı ilə 2006-cı ilin 8-9 noyabrında Bakıda keçirilən investisiya konfransı çərçivəsində gəlib. İnvestisiya şirkəti AİŞ-in iştirakı ilə yaradılacaq. Onun səhm payı 10 faizdən çox olmayacaq.
İnvestisiya şirkətinin ilkin kapitalı əvvəllər $90-100 mln. səviyyəsində nəzərdə tutulurdu. Lakin AİŞ rəhbəri Anar Axundov onun $10 mln. başlamasını səmərəli sayır.
1992-ci ildə İİB Azərbaycanda ümumi dəyəri $250 mln. olan 26 layihəni maliyyələşdirib.
