Azərbaycan, Bakı, 15 fevral / " , müxbir İ.Xəlilova/ Azərbaycan İnvestisiya Şirkəti (AİŞ) ASC və "Kavkaztransservis" (Azersun Holding qrupunun üzvü) Səngəçal-Qaradağ neft-qaz terminalının tikintisi üçün əlavə kredit vəsaitinin cəlb edilməsi məqsədilə xarici banklarla danışıqlara başlayıb. Bu barədə AİŞ icraçı direktorunun müavini Riad Qasımov məlumat verib.
Danışıqlar "Societe General", "BNP Paribas", "Commerz Bank", "Yapi Credi" ilə aparılır.
Onun sözlərinə görə, layihənin ümumi dəyəri 170 mln. dollardan yuxarı qiymətləndirilir. Bu məbləğin 36,097 mln. dolları "Azersun" və AİŞ tərəfindən ödəniləcək. Vəsaitin digər hissəsi isə xarici banklardan cəlb olunacaq. Terminalın tikintisi üçün artıq "Səngəçal-Qaradağ neft-qaz terminalı" QSC yaradılıb.
"Terminal üzrə tikinti işləri artıq başlayıb və AİŞ öz payına düşən 9 mln. dollar həcmində investisiyanı tam olaraq köçürüb. Lakin bizim investisiya yatırımımıza qədər işlərin böyük hissəsi "Azersun" tərəfindən görülüb" - deyə Qasımov bildirib.
Terminalın təxminən gələn ilin sonlarında istismara verilməsi gözlənilir.
Qasımovun sözlərinə görə, ilkin mərhələdə boşaldıb-yükləmə həcmi Qazaxıstan və Türkmənistanla danışıqlardan asılı olacaq. Layihə danışıqların nəticəsindən asılı olaraq hazırlanacaq. Qasımov bildirib ki, layihə 5 mln. kub metr təbii qaz üçün nəzərdə tutulub və o, neft-qaz terminalı olacağı üçün bu gün neft həcmini dəqiqləşdirmək çətindir.
"Terminalda qazın saxlanılması üçün çənlər olacaq. Bu konsepsiyada nəzərdə tutulub, lakin həcm hələ dəqiqləşdirilməyib" - deyə AİŞ-in direktor müavini bildirib.
Səngəçal-Qaradağ terminalının yaradılması üzrə birinci mərhələ 12 ay ərzində başa çatacaq və onun gücü əvvəllər 5 mln. ton səviyyəsində planlaşdırılıb. İkinci mərhələ təxminən 2,5 ildən sonra başa çatacaq və onun gücü 10 mln. tona qədər artırılacaq. Terminal tikintisi üç mərhələdə aparılacaq. Üçüncü mərəhələ həyata keçirildikdən sonra terminalın gücü təqrbən ildə 50 mln. tona çatdırılacaq.
Səngəçal-Qaradağ terminalı Azəri-Çıraq-Günəşli yatağından hasil olunan kondensatların emalına imkan yaradacaq. Terminal kiçik assortimentlərin (kondensatlar və qara məhsullar) qəbuluna yönəldiləcək, lakin iri həcmdə.
Müəlliflə əlaqə saxlamaq üçün elektron ünvan : Ilaha
