Azərbaycan, Bakı, 12 mart/ Trend , müxbir R.Haifzoğlu, A.Bədəlova/ İraqa neft haqqında federal qanun və əcnəbi investisiyaların qorunması üçün aydın struktur lazımdır. Bu barədə çərşənbə günü Trend a eksklüziv müsahibəsində İraqın vitse-prezidenti Tariq Əl-Haşimi məlumat verib.
Onun sözlərinə görə, İraqın Neft Nazirliyinin Kürd muxtariyyəti hökuməti ilə müqavilə imzalayan beynəlxalq neft şirkətləri ilə əməkdaşlığın dayandırılması haqqında qərarı mühüm problem deyil.
Əl-Haşiminin rəyinə görə, konstitusiya mandatı və federal neft qanunu haqqında məsələ daha vacibdir.
"Yaxşı ada malik neft şirkətləri bu gün İraqa ölkənin mərkəzi və regional hökumətləri arasında olan fikir ayrılığına görə deyil, kapital yatırmaq üçün aydın strukturun və ya investisiyaların (əcnəbi) müdafiəsi mexanizminin olmamasına görə həvəssiz şəkildə investisiya yatırırlar" - vitse-prezident bildirib.
"Bura neft haqqında strukturlaşdırılmış qanun, həmçinin İraqda biznes aparan şirkətlərin (əcnəbi neft) hüquq və maraqlarını müdafiə edəcək etibarlı qərəzsiz ədalət məhkəməsi daxildir" - o söyləyib.
Xarici KİV-in məlumatına görə, Bağdad və kürd hökuməti ilə müqavilə bağlayan şirkətlər arasında - ərəb "Crescent", Kanada "Western Oil Sands" və "Heritage Oil", hind "Reliance Industries" və Avstriyanın OMV şirkətləri var. 2007-ci ilin dekabrında İraqın Neft Nazirliyi Cənubi Koreyanın "SK Energy" şirkəti ilə Cənubi Koreyaya neft ixracı üzrə müqaviləni ləğv edib. Belə ki, Koreya "National Oil Corp."un başçılıq etdiyi "SK Energy" və "GS Holdings" şirkətlər konsorsiumu kürd hökuməti tərəfindən təklif edilən, lakin federal hökumətlə razılaşdırılmayan neft hasilatı üzrə layihəni təqdir edib.
Bir müddət əvvəl İraqın keçmiş Baş naziri İyad Əllavinin Trend a bildirdiyinə görə, Neft Nazirliyinin Kürdüstanla işləməyə çalışan neft şirkətləri ilə əməkdaşlığın dayandırılması haqqında qərarı ölkənin təcrid olunmasına və gərginliyin artmasına aparır.
Onun sözlərinə görə, artıq bir neçə ildir ki, ölkədə hər hansı bir iri investisiya yoxdur. 2008-ci ildə İraq sutkada orta hesabla 3 mln. barr. neft hasil etməyi planlaşdırırdı. Lakin bu həcmdə neft hasilatına nail olmaq mümkün olmayıb.
Bundan əlavə, Əllavi İraqda neft haqqında qanunun tətbiq edilməsinin vacib olduğunu hesab edir.
Məqalə müəllifinin ünvanı: [email protected]