Azərbaycan, Bakı, 04 iyul / Trend / "Palmali" Şirkətlər Qrupu 105 min ton dedveytlik iki iri tonnajlı tanker əldə edib. Bu barədə şirkətin Bakı ofisindən bildiriblər. Sövdələşmənin dəyəri 160 mln. dollar təşkil edir. Əvvəllər "Harmony" və "Champion" adlandırılan tankerlər indi "Azərbaycan" və "Bakı" adlandırılacaq.
uzunluğu237,74 metr , eni 43 metr tankerlər Yaponiyada istehsal olunub. Bu gəmilər Bakı -Tbilisi-Ceyhan boru kəməri vasitəsilə Aralıq dənizinə, dünyanın müxtəlif limanlarına çatdırılan neft daşımalarında istifadə olunacaq.
Lavaletta limanına təhkim olunmuş gəmilər Malta bayrağı altında üzəcək.