...

ARDNŞ və xarici şirkət ilin sonunadək Xəzər dənizində qaz yatağının işlənməsi üzrə müqavilə imzalamaq niyyətindədirlər

Energetika Materials 28 İyul 2008 14:48 (UTC +04:00)

Trend-i buradan izləyin

Azərbaycan, Bakı, 28 iyul/ Trend , müxbirlər S.Əliyev, V.Şərifov/ Azərbaycan Dövlət Neft Şirkəti (ARDNŞ) və Fransanın "Total" şirkəti perspektivli "Abşeron"dəniz blokunun birgə işlənməsi üzrə razılaşmanı başa çatdırmaq və bu ilin sonunadək müqaviləni imzalamaq niyyətindədirlər, - bazar ertəsi ARDNŞ-dən bildirblər.

Layihədə ARDNŞ və "Total"ın birgə əməliyyatçılığı nəzərdə tutulub. Gələcək müqavilədə faiz payı müvafiq olaraq 40 və 60 sxemi üzrə bölüşdürüləcək. Gələcək müqavilə "Abşeron"blokundan qazın hasil edilməsi nəzərə alınmaqla imzalanacaq.

"Total" şirkəti layihə ilə yaxşı tanışdır. Belə ki, layihə bağlananadək onun iştirakçısı olub. Ümumilikdə "Total" layihənin texniki tərəfini dəqiqləşdirib və yeni kəşfiyyat quyusunun harada qazılacağını təxmini bilir.

"Abşeron" blokunda əvvəlcə əməliyyatçısı Amerikanın "ChevronTexaco" şirkəti olan şirkətlər konsorsiumu işləyib. Bu layihədə "Total" da iştirak edib. Lakin quyu qazıldıqadn sonra yataqda aşkar edilən ehtiyatlar kommersiya cəhətdən cəlbedici hesab edilməyib.

Xəbər lenti

Xəbər lenti