Azərbaycan, Bakı, 31 iyul/ Trend / Azərbaycan Dövlət Neft Şirkəti (ARDNŞ) sentyabrın 20-də "Neftçilər günü"nün qeyd edilməsi üçün komitə yaradıb, - cümə axşamı ARDNŞ-nin yaydığı məlumatda deyilir.
Sentyabrın 20-də bayram təkcə Bakıda yox, həm də Azərbaycanın digər neft-qaz çıxarma rayonlarında da qeyd ediləcək. Tədbirlər "Neft Daşları", Mərdəkan və Sahil qəsəbəsində yerləşən müəssisələrdə də keçiriləcək. İşində fərqlənən neftçilərin mükafatlandırılması nəzərdə tutulub.
Həmçinin Milli Dənizkənarı Parkda kütləvi tədbirlərin, xalq gəzintilərinin, ARDNŞ-nin müxtəlif idarə və müəssisə işçilərinin öz işlərini təqdimetmə mərasiminin təşkili də planlaşdırılıb.
