...

Azərbaycan "Nabukko" layihəsindən imtina etməyib – ABŞ Dövlət Departamentinin xüsusi nümayəndəsi

Energetika Materials 9 Sentyabr 2008 19:08 (UTC +04:00)

Trend-i buradan izləyin

Azərbaycan, Bakı, 09 sentyabr/ Trend , müxbir A.Bədəlova/ "Azərbaycanın ABŞ vitse-prezidenti Riçard Çeyninin Bakıya səfəri zamanı "Nabukko" qaz kəmərindən imtina etməsi barədə şayiələr yalandır", - ABŞ Dövlət Departamentinin xüsusi nümayəndəsi Boyden Qrey çərşənbə axşamı bildirib.

Ötən həftə ABŞ -ın vitse -prezidenti Azərbaycana səfər edib. Səfər zamanı Rusiyanın neft ixracından asılılığın azaldılması məqsədilə enerji daşıyıcılarının ixrac marşrutlarının genişləndirilməsi məsələləri müzakirə edilib.

""Nabukko" və TransXəzər boru kəməri üzrə danışıqlar davam edir", - Qrey bildirib. ABŞ Dövlət Departamentinin xüsusi nümayəndəsinin qeyd etdiyinə görə, bu gün vacib məsələlərdən biri regionda təhlükəsizlik məsələsidir ki, Bakı - Tbilisi - Ceyhan boru kəmərində baş verən qəzadan sonra bu məsələ daha da qabarıb. "Türkiyənin təhlükəsizliyi təmin etmək üçün etdikləri çox vacibdir", - o vurğulayıb. "Nabukko" qaz kəmərindən danışan Qrey bildirib ki, o, yeganə deyil və qazın nəqli üzrə digər marşrutlar da mövcuddur. "Tamamilə mümkündür ki, Türkiyə - Yunanıstan - İtaliya boru kəməri "Nabukko"yadək işə başlaya bilər", - Qrey bildirib.

Dəyəri $12,4 mlrd. olan "Nabukko" qaz kəməri ilə 2013 - cü ildən Azərbaycan və Mərkəzi Asiyadan Avropa İttifaqı ölkələrinə qaz ixracı nəzərdə tutulur. Layihənin iştirakçıları OMV, Macarıstanın MOL, Bolqarıstanın Bulgargaz, Rumıniyanın Transgaz, Türkiyənin Botas və Almaniyanın RWE şirkətləridir. Onların hər biri bərabər - 16,67 faiz paya malikdir.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti