...

їMərkəzi Azəriї platformasının dibindən qaz sızmasının səbəbinin tədqiqi çətinləşir

Energetika Materials 24 Sentyabr 2008 17:35 (UTC +04:00)

Trend-i buradan izləyin

Azərbaycan, Bakı, 24 sentyabr/ Trend , müxbir E.İsmayılov/BP şirkəti їAzəri ї Çıraq ї Günəşliї (AÇQ) yataqlarının işlənilməsi layihəsi çərçivəsində quraşdırılmış їMərkəzi Azəriїplatformasının dibində aşkar edilmiş qaz sızmasının səbəblərinin tədqiqi davam edir, - çərşənbə günü hökumətdən bildiriblər.

Tədqiqat prosesinin çətinləşməsi qaz sızmasının azalması ilə bağlıdır; sızma yerinin müəyyən etmək olmur.

Ekspertlərin fikrincə, platformada neft və qaz hasilatının dayandırılmasının səbəbi məhsuldar üfüqdən hasil edilən qazın yataqdan dəniz səthinədək їqrifonїadlandırılan qaz axınlarının sızması ola bilər.

їQrifonїplatformanın dözümlülüyünə ciddi təhlükə törədir, belə ki, qaz axını platformanın altındakı dərinliyin səthini yuyub apara bilər.

Bu amilin qarşısının alınması üçün orada sement körpülər quraşdırmaqla, quyu ətrafındakı ərazinin müəyyən dərinliyini və dəniz dibinin səthini betonlamaqla, quyunu ləğv etmək lazımdır.

İki platformanın dayandırlması ilə əlaqədar їAzəri ї Çıraq ї Günəşliї (AÇQ) yataqlarının işlənilməsi layihəsi çərçivəsində, neftin hasilatı sutkada təxminən 900 min bareldən sutkada 580 min barelədək azalıb.

Bu göstərici platforma dayanmamışdan əvvəl 900 min barel təşkil edib.

їAzəri ї Çıraq ї Günəşliї (AÇQ) yatağının işlənilməsinin operatoru BP şirkəti sentyabrın 17- də їMərkəzi Azəriї yatağında hasilatı dayandırıb və dənizdə havaya qaz tullantılarının atılmasının aşkar edilməsi ilə əlaqədar, personalı yataqda quraşdırılan platformadan köçürüb. Ehtiyat məqsədilə yatağın qərb hissəsində їQərbi Azəriї platformasından hasilat dayandırılıb. їAzəriї yatağının şərq hissəsində quraşdırılmış platformada hasilat davam etdirilir.

їQaz platformada quraşdırılmış detektorların vasitəsilə aşkar edilib. Təhlükəsizlik məqsədilə personal platformadan köçürülübї, - şirkətdən bildiriblər.

їMərkəzi Azəriї platforması yataqlardan hasil edilən neft və qazın nəqli zəncirində əsas halqadır. їQərbi Azəriї və їŞərqi Azəriї yataqlarında yerləşən digər platformalardan hasil edilən neft və qaz їMərkəzi Azəriї platformasına, sonra isə, Səngəçal terminalına çatdırılır. Neft Səngəçal terminalından Bakı ї Tbilisi ї Ceyhan (BTC) neft kəməri ilə ixrac edilir.

Yeddi platformanın yerləşdiyi їAzəri ї Çıraq ї Günəşliї yataqlarından ümumi hasilat suktada 900 min bareli ötüb.

їAzəri ї Çıraq ї Günəşliї yataqlarından BTC ilə ixrac edilən Azeri Light növlü neft hasil olunur.

Xəbər lenti

Xəbər lenti