Azərbaycan, Bakı, 13 dekabr/ Trend , müxbir E.İsmayılov/ Cari il noyabrın ayının 1-nə olan vəziyyətə görə Azərbaycan Dövlət Neft Fondunun (ARDNF) aktivləri oktyabrda qeydə alınan 8 378,8 mln. manatdan (10 382,2 mln. dollar) 9 061 mln. manatadək (11 193 mln. dollar) artıb. Bu barədə şənbə günü ARDNF-dan bildiriblər.
Noyabrın 1-nə olan məlumata görə, Neft Fondu tərəfindən qaçqın və məcburi köçkünlərin sosial-məişət vəziyyətinin yaxşılaşdırılması üzrə tədbirlərə 479,1 mln. manat, Samur-Abşeron suvarma sisteminin yenidənqurulması layihəsinin maliyyələşdirilməsi üçün 212,2 mln. manat və Oğuz-Qəbələ-Bakı su kəmərinin çəkilməsinə 352,3 mln. manat ayrlıb, dövlət büdcəsinə köçürmələr 4,23 mlrd. manat təşkil edib.
Bakı-Tbilisi-Qars yeni dəmir yolu magistralının tikintisi layihəsinin maliyyələşdirilməsi üçün fonddan 24,4 mln. manat, azərbaycanlı tələbələrin 2007-2015-ci illər Dövlət Proqramı çərçivəsində xaricdə təhsil almasına isə 1,1 mln manat ayrılıb.
Dekabrın 13-nə olan cari mübadilə məzənnəsi 0,806 AZN/USD təşkil edir.
Məqalə müəllifi ilə əlaqə ünvanı - [email protected]