Azərbaycan, Bakı, 27 fevral / Trend , müxbir E.İsmayılov /
Yanvarda Türkiyənin Botas dövlət boru kəməri şirkəti müxtəlif mənbələrdən təqribən 3,2 mlrd. kubmetr qaz idxal edib. Bu barədə Botas-ın rəsmi saytında yerləşdirilən məlumatında bildirilir.
Türkiyə tərəfindən idxal olunan ümumi qaz həcminin 2,5 mlrd. kubmetri təbii, 659 mln.kubmetri isə maye qazın payına düşüb.
Yanvarda Türkiyə tərəfindən 2008-ci ilin dekabr ayında qeydə alınan 3,4 mlrd.kubmetrə nisbətdə təqribən 3,46 mlrd. kubmetr qaz istifadə olunub. Yanvarda istifadə olunan qazın ümumi həcmindən təqribən 1,5 mlrd. kubmetri elektrik stansiyalarına, 1,4 mlrd. kubmetri istehlakçılara, 552 mln. kubmetri isə sənaye müəssisələrinə göndərilib.
2008-ci ildə Türkiyə tərəfindən idxal olunan qazın ümumi həcmindən 32,2 mlrd. kubmetri təbbi qazın, 5,6 mlrd. kubmetri isə maye qazın payına düşüb.
Məqalə müəllifi ilə əlaqə ünvanı - [email protected]
