Azərbaycan, Bakı, 14 mart / Trend /
SOCAR-ın məlumatına əsasən, SOCAR şirkəti (Azərbaycan dövlət neft şirkəti) 2009-cu ilin yanvar-fevral aylarında Gürcüstana 267 mln. kub metrə yaxın qaz ixrac edib.
Fevral ayı ərzində Gürcüstana təxminən 99,5 mln. kub metr qaz ixrac edilib.
Gürcüstana qaz təchizatı 2008-ci ilin naprel ayından başlanılıb. Ötən il qonşu ölkəyə 788,93 mln. qaz ixrac edilib.
Ötən ilin noyabr ayında Azərbaycanla Gürcüstan arasında SOCAR-ın fəaliyyətinin 2009-cu ildən başlayaraq növbəti beş ildə Gürcüstan bazarında aktivləşməsi üçün müqavilə imzalanıb. Müqaviləyə əsasən SOCAR layihəni həyata keçirmək məqsədi ilə Gürcüstan hökuməti tərəfindən seçilmiş qaz istifadəçilərini mavi yanacaqla təmin etmək üçün törəmə müəssisələr yaradır.
Gürcüstan tərəfi beş il ərzində Rusiya qazının və Azərbaycanın Cənubi Qafqaz boru kəməri ilə "Şah-Dəniz" yatağından əldə olunan qazının nəqlindən əldə etdiyi mavi yanacağı müəyyənləşdirilmiş qiymətlərlə SOCAR-ın törəmə müəssisələrinə satacaq.