Azərbaycan, Bakı, 22 may / Trend , müx E.İsmayılov /
Azərbaycan qara dəniz ölkələrinə halqavari enerji ötürücüləri sistemi ilə elektrik enerjisi ixrac edə bilər, cümə günü Azərbaycanın sənayə və energetika naziri Natiq Əliyev bildirib.
"Azərbaycan özünü tamamilə enerji ötürücüləri ilə təmin edə bilir. Respublika təkcə böyük neft ixracatçısı deyil, o cümlədən qaz ixracatçısına çevrilməyə çalışır və bunun üçün imkanlar var. Azərbaycan həmçinin Rusiya, İran, Gürcüstan və Türkiyəyə elektrik enerjisi ixrac edəcək və qara dəniz energetika halqasından elektrik enerjsinin qara dəniz ölkələrinə çatdırılması mümkündür",-Əliyev bildirib.
"Gürcüstan Prezidenti Mixail Saakaşvilinin Azərbaycana səfəri zamanı Azərbaycan, Gürcüstan və Türkiyəni birləşdirəcək 500 kilovoltluq yüksək voltlu elektirk ötürücü xətlərinin bərpası məsələsi müzakirə edilib", - Əliyev bildirib. "Biz razılığa gəlmişik ki, bəzi işlər Azərbaycan və Gürcüstanın ərazisində görüləcək. Türkiyə ilə bu məsələ üzrə danışıqlar davam etdirilir", - Əliyev əlavə edib.
Aprel ayının əvvəlində Azərbaycan, Gürcüstan və Türkiyə "Energetika körpüsü" (Power Bridge) layihəsi üzrə qarşılıqlı anlaşma haqqında memorandum imzalayıblar. Azərbaycan, Gürcüstan və Türkiyə tərəfindən həyata keçirilən layihə ABŞ-ın Beynəlxalq İnkişaf Agentliyi (USAID) tərəfindən maliyyələşdirilir.
Bir müddət əvvəl Gürcüstanın energetika naziri Aleksandr Hetaquri bildirib: "Biz artıq bu il 500 kilovolt gücündə olan yüksək voltlu elektrik ötürücü xətlərinin bərpa edilməsinə, o cümlədən 500 kilovoltluq yeni elektrik ötürücü xətlərinin Türkiyədə inşasına başlayırıq". Gürcüstanda həyata keçirilməsi planlaşdırılan bütün işlərin ümumi dəyəri 220 milyon dollar təşkil edir. Bu işlər Gürcüstan şirkətləri tərəfindən maliyyələşdiriləcək.
"Azərbaycanın energetika gücünü cari 5,6 min meqavatdan 10 min meqavata qədər artırmaq planlaşdırılır", - Əliyev bildirib. Hazırda Azərbaycanda istehsal edilən elektrik enerjisi ölkənin tələbatlarını ödəməyə kifayət edir, yeni texnologiyaların tətbiqi ilə enerji istifadəsi azalacaq.
"Bizim ixracat üçün böyük imkanlarımız var. Hazırda biz min meqavata qədər elektrik enerjisi ixrac edə bilərik",- Əliyev bildirib.
Əliyevin dediyinə görə, ötən il Azərbaycanda 543 milyon kilovat həcmində müsbət saldo mövcud olub. Keçən il elektrik enerjisi idxalata nisbətən daha çox ixrac olunub.
Məqalə müəllifi ilə əlaqə: [email protected]
