Azərbaycan, Bakı, 24 iyul / Trend , müxbir İ.Хəlilova/
Avqustun ortalarında Azərbaycan Dövlət Neft Fondu (ADNF) və ABŞ-ın ticarət və inkişaf üzrə agentliyi USTDA institutsional inkişaf layihəsinin üçüncü mərhələsinin maliyyələşdirilməsi üzrə müqavilə imzalayacaqlar", - cümə günü fondun icraçı direktoru Şahmar Mövsümov deyib.
Layihənin ümumi dəyəri 500 min dollardır. Onun 250 min dollarını USTDA qrant kimi, qalan 250 min dollar isə ADNF tərəfindən ayrılacaq. Bu qrantın təsdiqi gələn həftəyə nəzərdə tutulub.
Layihənin üçüncü mərhələsi özündə menecerlərin seçimi və onların idarə edilməsində köməyi, həmçinin fondun əməkdaşlarının daxili treninq sisteminin (daimi əsasda əməkdaş hazırlayan daxili məktəbi xatırladacaq) yaradılmasını da ehtiva edir.
Neft fondunun gələcək institutsional inkişafına ehtiyac neftdən böyük gəlirlərin əldə edilməsindən yaranır.
Bununla əlaqədar olaraq fond, iki il əvvəl böyük gəlirlərin əldə olunmasına hazırlıq məqsədi ilə başladığı işi davam etdirmək niyyətindədir. Bu iş müasir texnologiyalar, proqram təminatının tətbiqi, həmçinin fondun kadr potensialının peşəkar səviyyəsinin artırılması istiqamətində aparılır.
Artıq başa çatmış texniki yardım üzrə ikinci mərhələ çərçivəsində, 2007-ci ildən etibarən ABŞ-ın Overture Financial Services şirkəti mühasibat sisteminin təkmilləşdirilməsi, risklərin və gəlirliliyin qiymətləndirilməsi, həmçinin sərmayə portfelinin idarə olunması sisteminin qurulması üçün şirkət/sistem seçimində məsləhətlərin verilməsində kömək edib. USTDA-nın bu işləri yerinə yetirməsi üçün qrantı 855,075 min dollar təşkil edib.
Birinci mərhələ çərçivəsində ADNF-in məsləhətçisi qismində Overture Managed Solutions çıxış edib. Bu mərhələ çərçivəsində USTDA-nın texniki yardımı 1,091 milyon dollar həcmində olub.
Məqalə müəllifi ilə əlaqə ünvanı: [email protected]