Azərbaycan, Bakı, 25 dekabr / Trend , müxbir E.İsmayılov/
Azərbaycanın dəniz nəqliyyatı vasitəsilə yükdaşımaların 80%-dən çoxu neft məhsullarının payına düşür. Bu barədə cümə günü Yeni Azərbaycan Partiyasının mənzil-qərargahında keçirilən mətbuat konfransında Azərbaycan Dövlət Dəniz Administrasiyasının rəhbəri Qüdrət Qurbanov bildirib.
Qurbanovun sözlərinə görə, dəniz nəqliyyatı vasitəsilə yükdaşımaların 80-85%-i neft məhsulları yüklərinin, 3-5%-i konteyner yüklərinin, təxminən 15%-i isə quru yüklərin payına düşür.
Dünya maliyyə böhranı ilə əlaqədar dəniz nəqliyyatı vasitəsilə yükdaşımanın azalması müşahidə olunmur. Xəzər Dəniz Gəmiçiliyi ayda orta hesabla 1,2-1,3 milyon ton yük daşıyır ki, bu da ildə təxminən 13-15 milyon ton təşki ledir.
Azərbaycan Dövlət Statistika Komitəsinin məlumatına görə, yanvar-noyabr aylarında ölkənin dəniz nəqliyyatı vasitəsilə 12,1 miyon ton müxtəlif yüklər daşınıb ki, bu da ötən ilin yanvar-noyabr aylarındakı göstəricidən 12,3% çoxdur. Daşınan yüklərin həcminin hamısı beynəlxalq əməliyyatların payına düşür.
Azərbaycan limanlarında hazırlanmış yüklərin həcmi yanvar-noyabr aylarında ötən ilin analoji dövründəki 4,9 miyon tona nisbətdə 4,7 miyon ton təşkil edib.
