Qazaxıstan, Astana, 23 fevral / Trend , müxbir K.Konırova/
2009-cu ildə "KazMunayqaz"ın payı nəzərə alınmaqla əldə edilən və istifadəyə verilən aktivlərin dəyəri 540 mlrd. təngəyə ($1- 147 təngə) bərabər olub. Bu barədə Trend -a milli şirkətin prezidenti Kairgeldi Kabıldin məlumat verib.
"2009-cu ildə biz istehsal gücümüzü artırmaq məqsədilə yeni aktivlər əldə etmişik. Bu "Rompetrol"dur ki, biz onun 100 faiz səhminə sahib olmuşuq. Biz "Mangistaumunayqaz"ın səhmlərinin 50 faizini əldə etmişik, Xəzər boru kəməri konsorsiumunda paya sahib olmuşuq",-deyə Kairgeldı Kabıldin bildirib.
Bundan əlavə, onun məlumatına görə, ötən il ikinci növbə "Kenkiyak-Kumkol" istismara verilib.
"Biz artıq Xəzər dənizinin Qazaxıstan sektorundan Qərbi Çinədək nəqliyyat infrastrukturuna sahibik ki, bu da Qazaxıstan neftinin ixrac üçün nəqlinin diversifikasiyasından ötrü digər bir marşrut və məqsəddir", - o qeyd edib.
Şirkət rəhbəri xatırladıb ki, KMQ Pavlodar neft-kimya zavoduna nəzarəti 100 faiz öz üzərinə götürüb.
"Beləliklə, bu gün KMQ Atırau və Pavlodarda iki NEZ-ə nəzarət edir və biz Çin şirkətilə paritet əsaslarla Şımkent NEZ-i idarə edirik", - o bildirib.
Onun sözlərinə görə, Xəzərin Qazaxıstan sektorunda yataqların mənimsənilməsi, ilk növbədə Şimal-Xəzər layihəsi üzrə işlər davam etdirilir.