Azərbaycan, Bakı, 17 mart / Trend /
Azərbaycan Respublikası Dövlət Neft Fondu (ARDNF) hasilatın bölgüsü müqavilələri (PSA) çərçivəsində xarici neft şirkətləri və digər müvafiq təşkilatlar tərəfindən təqdim olunan aktivlərin satışını elan edib. Bu barədə fondun rəsmi mətbuatda yayılan məlumatında deyilir.
Satıldığı elan olunan aktivlərə qaynaq avadanlığı, müxtəlif təyinatlı və ölçülü borular, elektrik kabelləri, müxtəlif elementlər, həmçinin neft və qaz quyularının qazılmasında istifadə olunan ehtiyat hissələri daxildir.
Yuxarıda sadalanan aktivlərin alınmasında maraqlı olan şəxslər aprelin 2-dək ARDNF-yə müraciət edə bilərlər.
Əlavə məlumat almaq üçün ARDNF-nin aktivlərlə iş şöbəsinin rəhbəri Emin Qasımova müraciət etmək olar.
Əlaqə telefonları: (012) 498 77 53; 498 62 55 (daxili - 172).
