Azərbaycan, Bakı, 8 dekabr /Trend/
Yanvar-noyabrda ARDNŞ (Azərbaycan Respublikası Dövlət Neft Şirkəti) ölkənin dövlət büdcəsinə 1,07 milyard manatdan çox vəsait ödəyib ki, bu da ötən ilin analoji dövründəki göstəricidən 135,26 milyon manat (14,4 faiz) çoxdur. Bu barədə şirkətin yaydığı məlumatda deyilir. Noyabrda bu göstərici 111,2 milyon manat təşkil edib.
"Yanvar-noyabrda şirkət tərəfindən Dövlət Sosial Müdafiə Fonduna ödəniş 124,09 milyon manatdan çox təşkil edib ki, bu da ötən ilin müvafiq dövrü ilə müqayisədə demək olar, 21 milyon manat (20,2 faiz) çoxdur", - məlumatda deyilir. Noyabrda SMF-yə 15,3 milyon manatdan çox vəsait köçürülüb.
