Azərbaycan, Bakı, 6 avqust /Trend, müxbir E.İsmayılov/
Azərbaycan iri neft layihəsində - "Azəri-Çıraq-Günşli" yataqlar blokunun işlənməsində səhmlərin əlavə 1,6461 faizinin alınması üçün 585 milyon dollar ödəyib. Bu barədə şənbə günü Azərbaycanın Dövlət Neft Fondundan (ARDNF) deyiblər.
Fonddan dediklərinə görə, BP-nin payının bir qisminin alınması ARDNF-nin istiqrazları alması sayəsində mümkün olub. Onun emissiyasını hazırda layihədə 11,6 faiz iştirak payına malik AzACG həyata keçirib.
Səhmlər alınmamışdan əvvəl AzACG-nin layihədə payı 10 faiz olub.
BP-dən qeyd etdiklərinə görə, əvvəllər "Devon"un aldığı və sonradan "AzACG Limited Company"yə satılan payın 1,6461 faizinin dəyəri 585 milyon dollar qiymətləndirilir.
Səhmlərin qiymətində 100 milyon dollarlıq fərqi BP şirkətində onunla izah ediblər ki, Britaniya şirkəti bu vəsaitləri iştirak payı çərçivəsində satışdan əldə edilən gəlir hesabına ödəyib. O, bunu "Devon"un payını Azərbaycana satmamışdan əvvəl əldə edib.
Bununla əlaqədar layihədə səhmlərin bir qisminin alınmasının dəyəri "AzACG Limited Company"yə 485 milyon dollara başa gəlib.
"Emissiyası "AzACG Limited Company" tərəfindən 485 milyon dollar məbləğində edilən ARDNF-nin istiqrazları alması fondun investisiya strategiyasına uyğun edilib", - ARDNF-dən bildiriblər.
Bu istiqrazların gəlirinə görə dünyanın maliyyə bazarlarında təqdim olunan anoloji qiymətli kağızlarla eyni səviyyədə olması nəzərə alınmaqla gözlənilir ki, bu investisiyalar ARDNF-nin investisiya portfelinə müsbət təsir göstərəcək.
"İstiqrazlara görə ödənilən vəsaitlərin ölkə üçün böyük əhəmiyyətə malik strateji layihənin həyata keçirilməsinə xərclənməsini nəzərə almaqla, bu investisiyanı ümumilikdə ARDNF üçün uğurlu hesab etmək olar", - fonddan qeyd ediblər.
"Azər-Çıraq-Günəşli" neft-qaz yataqlar blokunun işlənməsinə dair müqavilə 1994-cü ildə bağlanılıb. 2010-cu ildə "Devon" AÇG-dəki 5,63 faizlik payını layihə üzrə tərəfdaşlara - BP (3,29 faiz), "Chevron" (0,99 fazi), Inpex (0,96 faiz) və Itocu (0,38 faiz) şirkətlərinə satıb.
"Azəri-Çıraq-Günəşli" yataqlar blokunun səhmdarları bunlardır: BP (operator - 35,83%), "Chevron" (11,27%), AzAÇG (11,6%), "Inpex" (10,96%), "Statoil" (8,56%), "Exxon" (8%), TPAO (6,75%), "Itochu" (4,3%), "Hess" (2,72%).
2010-cu ildə "Azəri-Çıraq-Günəşli" yataqlar blokunda 40,6 milyon ton neft hasil edilib. Bu göstərici 2009-cu ildə 40,3 milyon ton olub. 2010-cu ildə bu yataqlar blokunda sutkalıq orta hasilat 823,1 min barel təşkil edib.
