...

ARDNŞ payızda Azərbaycan bölgələrində ilk YDM-ləri istismara verəcək

Energetika Materials 7 Avqust 2012 18:32 (UTC +04:00)

Azərbaycan, Bakı, 7 avqust /Trend, müxbir E.İsmayılov/

Azərbaycan Respublikası Dövlət Neft Şirkəti (ARDNŞ) oktyabrda Azərbaycanın şimalında iki yeni yanacaqdoldurma məntəqəsini (YDM) istismara verməyi planlaşdırır. Bu barədə Trend-ə çərşənbə axşamı ARDNŞ-dəki mənbə bildirib.

"Siyəzən rayonunda iki YDM-in tikintisi üzrə işlər davam etdirilir və artıq oktyabrda məntəqələrin istismara verilməsi planlaşdırılır", - mənbə qeyd edib.

Bu, paytaxtdan kənarda ARDNŞ tərəfindən açılan ilk stansiyalar olacaq.

Mənbənin sözlərinə görə, hazırda Azərbaycanda SOCAR brendi altında işləyən stansiyaların sayı 14 ədəd təşkil edir, iki regional YDM-ləri istismara verdikdən sonra onların sayı 16-ya çatacaq.

ARDNŞ ölkə üzrə YDM-lərin sayını ümumilikdə 100 ədədə çatdırmağı planlaşdırır. Onlar iri şəhərlərdə və hər bir rayonunun giriş və çıxışında yerləşəcək.

Xəbər lenti

Xəbər lenti