...

ARDNŞ və BMT Azərbaycanda karbon qazının emissiyasının azaldılması üzrə milli plan hazırlayırlar

Energetika Materials 5 Noyabr 2013 16:40

Trend-i buradan izləyin

Azərbaycan, Bakı, 5 noyabr /Trend, müxbir E.İsmayılov/

ARDNŞ (Azərbaycan Respublikası Dövlət Neft Şirkəti) BMT-nin İnkişaf Proqramı ilə birgə Azərbaycanın yanacaq sektorunda istifadə olunan karbon qazının emissiyasının azaldılması üzrə milli planın hazırlanması layihəsini reallaşdırır.

Trend-in məlumatına görə, bunu ARDNŞ-nin Ekologiya İdarəsinin rəisi Azər Əliyev Bakıda keçirilən Beynəlxalq ekologiya konfransında bildirib.

Onun sözlərinə görə, layihə 2014-2019-cu illəri əhatə edir.

Enerjidaşıyıcıların rasional istifadəsinə və sənayedə, yaşayış və sənaye binalarında, həmçinin nəqliyyat sektorunda istixana effekti yaradan qazların emissiyasının azaldılmasına nail olmaq layihənin əsas hədəfidir.

İdarə rəisi bildirib ki, neft və qazın və istixana effekti yaradan qazların emissiyasının indiki istehlakının analizi, enerji resurslarının rasional istifadəsinə gətirib çıxara biləcək fəaliyyətin maliyyə və iqtisadi qiymətləndirilməsi, dövlət və özəl strukturlar və başqa maraqlı tərəflər arasında hərəkətlərin koordinasiya mexanizminin yaradılması layihənin əsas fəaliyyət istiqamətləridir.

Məqalədə:
Xəbər lenti

Xəbər lenti