Azərbaycan, Bakı, 13 noyabr / Trend, müxbir A.Bədəlova /
Xəzərin Azərbaycan sektorundakı "Abşeron" yatağında qiymətləndirmə quyusunun qazılması 2017-ci ildə gözlənilir. Trend-in məlumatına görə, bu barədə "Total E&P Azerbaijan" şirkətinin baş meneceri Kristian Cudiselli Bakıda keçirilən "Xəzər neft və qaz həftəsi" konfransında bildirib.
O deyib: "Biz ümid edirik ki, 2017-ci ilin əvvəlinə [qazma qurğusunun] tikinti üzrə bütün müqavilələr imzalanacaq".
Cudisellinin sözlərinə görə, yataqdan ilk qaz hasilatı 2020-ci ilin sonuna gözlənilir: "Biz hasilatın başlanmasının mümkün qədər tez təmin etməkdə maraqlıyıq".