Bakı. Ləman Zeynalova - Trend:
2021-ci ilin oktyabrında Azərbaycandan Türkiyəyə təbii qaz ixracı 2020-ci ilin eyni dövrü ilə müqayisədə 30,91 faiz azalıb.
Trend bu barədə Türkiyənin Enerji Bazarının Tənzimlənməsi Təşkilatına (EPDK) istinadən məlumat verir.
Hesabat dövründə Rusiyadan Türkiyəyə qaz ixracı 1,866 milyard, ABŞ-dan 838,19 milyon, Azərbaycandan isə 761,95 milyon kubmetr təşkil edib.
Oktyabr ayında Rusiyadan Türkiyəyə qaz ixracı 8,81 faiz azalıb, ABŞ-dan isə 748,24 faiz artıb.
2021-ci ilin oktyabrında Türkiyəyə ümumi qaz idxalı ötən ilin oktyabrı ilə müqayisədə 15,24 faiz artaraq 4,657 milyard kubmetr təşkil edib. Türkiyə 3,023 milyard kubmetr təbii qazı boru kəmərləri ilə idxal edib, 1,634 milyard kubmetri isə mayeləşdirilmiş təbii qaz qismində alıb.
Ölkədə təbii qaz istehlakı 2020-ci ilinoktyabrı ilə müqayisədə 23,5 faiz artaraq 4,427 milyard kubmetr təşkil edib.
Twitter: @Lyaman_Zeyn
(Tərcümə: Orxan Nəbiyev)
