Bakı. Trend:
Azərbaycanın magistral qaz kəmərlərinin, o cümlədən Cənubi Qafqaz Boru Kəmərinin (Bakı-Tbilisi-Ərzurum) fəaliyyətindən gəlirləri 2025-ci ildə 2 milyard 792,970 milyon manat təşkil edib.
Trend bu barədə Dövlət Statistika Komitəsinə istinadən xəbər verir.
Bildirilib ki, bu, ötən ilin eyni dövrü ilə müqayisədə 3,2% çoxdur.
Ötən il magistral qaz kəmərləri şəbəkəsindəki itkilər 2,5% azalaraq 46,1 milyon kubmetrə çatıb.
Qeyd edilib ki, bu dövrdə magistral qaz kəmərləri ilə 40 milyard 265,2 milyon kubmetr qaz (0,2% az) nəql edilib. Bununla belə, nəql edilən ümumi həcmin 57,5%-i Cənubi Qafqaz Magistral Boru Kəmərinin payına düşüb.