Yeni avadanlığın gətirilməsində yaranmış gecikdirmə ilə bağlı Qaradağ qazpaylayıcı stansiyasının (QPS) yenidən qurulmasının ilin sonunadək başa çatdırılması nəzərdə tutulur.Bu barədə Trend ə Azərqaznəql İB - də (Azərqaz QSC-nin strukturu) bildirilib .
İB-də qeyd olunub ki, Qaradağ QPS yenidən layihələşdirilib.Stansiyada baş vermiş yanğından sonra əsaslı təmir işləri aparılıb və bütün texniki təhlükəsizlik qaydaları nəzərdə tutulub.Fiziki və daxili köhnəlmiş, istismar müddəti bitmiş avadanlıqlar Rusiyadan, Ukraynadan və digər ölkələrdən gətirilmiş yeni avadanlıqla əvəz edilib.Yeni avadanlığın quraşdırılması QPS-də müasir standartlara müvafiq qaydada fəaliyyət göstərməyə imkan verəcək.Stansiyada işlər başa çatdıqdan sonra testləşdirilmə aparılacaq və bundan sonra stansiya istismara veriləcək.Yenidənqurma işlərini Azərqaz international MM aparır.
Qaradağ QPS Sumqayıt da daxil olmaqla Abşeron yarımadasını təbii qazla fasiləsiz təmin etməyə imkan verəcək.
