Bu həftə İsrailin enerji sahəsinin rəsmi nümayəndələri BTC boru kəməri ilə Azərbaycan neftinin idxalını artırmağa razılıq verib.
Trend in İsrail KİV-nə istinadən xəbər verdiyi kimi, İsrailin infrastruktur naziri Binyamin Ben-Eliezer Bakıda ölkənin enerji sahəsinin nümayəndələri ilə görüş keçirib. İsrail Azərbaycanın ixrac neftinin 20%-ni alır.
İsrail KİV-i qeyd edir ki, tərəflər Şərqi Asiya bazarlarını təmin etmək üçün limanın inşası da daxil olmaqla, İsrailə ixracın artırılması imkanlarını öyrənir.
Neft daşıma bazarında işləyən treyderlərin Trend ə verdiyi məlumata görə, yaxın perspektivdə İsrail neft idxalını azaltmağa hazırlaşmır və fəal surətdə enerji daşıyıcılarının ölkəyə tədarükünün diversifikasiyası məsələləri üzərində işləyir.
ENİ konserninin məlumatına görə, 2006-cı il yanvarın 1-nə İsrailin neft ehtiyatları 2004-cu illə muqayisədə 2 mln barel azalaraq 2 mln. barel təşkil edib. Ancaq həmin şirkətin digər məlumatına görə, İsraildə neftə tələbat 2005-ci ildə sutkada 219 min barel olub. 2004-cü ildə bu göstərici sutkada 227 min barel təşkil edib.
1994-2005-ci illərdə İsrailin neftə tələbatı belə olub:
|
İsrailin neft idxalı (sutkada min barel) | |||||||||||
|
1994 |
1995 |
1996 |
1997 |
1998 |
1999 |
2000 |
2001 |
2002 |
2003 |
2004 |
2005 |
|
211 |
227 |
220 |
229 |
226 |
233 |
251 |
232 |
238 |
245 |
227 |
219 |
|
İsrailin neft ehtiyatları (mln barel) | |||||||||||
|
0 |
0 |
0 |
4 |
4 |
4 |
4 |
4 |
4 |
4 |
4 |
2 |
