Gömrük komitəsinin yanvar-iyul ayları üzrə məlumatlarına görə, Azərbaycan Dövlət Neft Şirkətinin Marketinq və iqtisadi əməliyyatlar idarəsi (MİƏİ) tərəfindən 2,25 mln. ton neft ixrac olunub, bu isə Azərbaycandan ümumi ixrac olunan xammalın 50,52%-ni təşkil edib. Bu barədə Trend Dövlət Gömrük Komitəsinə istinadən xəbər verir.
Shirvan oil BM bu ilin yeddi ayı ərzində 29,87 min ton neft ixrac edib və bu, ümumi xammal ixracının 0,66%-ni təşkil edib.
Yanvar-iyul aylarında MİƏİ tərəfindən 1,83 mln. ton neft məhsulu ixrac olunub, bu isə məhsulların ümumi ixracının 90,13%-ni təşkil edib. "Azneftyağ" neftemalı zavodu tərəfindən 86,19 min ton göndərilib və bu ümumi ixracın 4,23%-ni təşkil edib. Middle East Petrol - 55,54 min ton (2,72%), Monolit-D isə 18,82 min ton (0,92%) məhsul ixrac edib.
