Azərbaycan, Bakı / Trend müxbir S.Babayeva/ Azərbaycan Dövlət Neft Şirkətinin (ARDNŞ) nümayəndə heyəti 6-cı gürcü beynəlxalq konfransında və martın 22-23-də Tbilisidə keçiriləcək "Neft, Qaz, Energetika və İnfrastruktur GIOGIE - 2007" sərgisində iştirak edəcək. Bu barədə çərşənbə günü Iteca Caspian şirkətinin İctimaiyyətlə əlaqələr, reklam və marketinq departamentinin marketinq şöbəsinin başçısı Syuzanna Burezqi məlumat verib.
Onun sözlərinə görə, Azərbaycanın nümayəndə heyətinin tərkibinə SOCAR Energy Georgia şirkətinin baş direktoru Mahir Məmmədov və ARDNŞ-in Marketinq və iqtisadi əməliyyatlar İdarəsinin əməkdaşı Seymur Ağayev daxildir.
Konfransın ilkin proqramına əsasən, tədbirin açılış mərasimində Gürcüstanın baş naziri Zurab Noqaidelinin nitq söyləyəcəyi planlaşdırılıb. Konfransın ilk günü dörd sessiyada keçiriləcək.
"Gürcüstanın energetika sektorunda strateji inkişaf və beynəlxalq əməkdaşlıq" adlı birinci sessiyada ITE Group plc şirkətinin direktoru Maykl Xartlinin (Michael Hartley) nitq söyləyəcəyi, Gürcüstanın energetika naziri Nikolaz Gilaurinin (Nikoloz Gilauri), ABŞ-ın Gürcüstandakı səfiri Con Tefftın (John Tefft), SOCAR Energy Georgia şirkətinin başçısı Mahir Məmmədovun, TPAO şirkətinin icraçı vitse-prezidenti Mete Gurelin (Mete Gurel), BOTAS International Ltd. Şirkətinin baş direktoru Salih Paşaoğlunun (Salih Paşaoğlu), menedjera po strane BP Georgia şirkətinin ölkə üzrə meneceri Hyu MakDouelin (Hugh McDowell) məruzələri gözlənilir.
"Gürcüstana neft və qaz nəqli" adlı ikinci sessiyada Georgian Oil Gas Corporation, Statoil Azerbaijan, Petrotrans/Batumi Oil Terminal və başqa şirkətlərin rəhbər şəxslərinin məruzələri planlaşdırılıb.
"Regional energetika təhlükəsizliyi. Beynəlxalq əməklaşlıq" adlı üçüncü sessiyada International Energy Agency, GOGC, Millennium Challenge Georgian Fund və başqa şirkətlərin çıxışı nəzərdə tutulub.
"Gürcüstanda investisiya iqlimi" adlı dördüncü sessiyada AYİB, Gürcüstanın İqtisadi İnkişaf Nazirliyi, PriceWaterhouseCoopers və Bank TuranAlem -in təqdimat edəcəyi planlaşdırılıb.
Konfransın ikinci günü - martın 23-də Gürcüstanda işlənmə və hasilatın inkişafı, Gürcüstanın neft-qaz sektoru məsələlərinin, reabilitasiya, özəlləşdirmə layihələri və investisiya imkanlarının müzakirəsi nəzərdə tutulub.
Konfransın keçirilməsində rəsmi dəstək Gürcüstan hökuməti və Beynəlxalq Gürcüstan Neft Korporasiyasına məxsusdur.
