Azərbaycan, Bakı / Trend / Azərbaycan Dövlət Neft Şirkəti 2007-ci il üçün qazın hasili və təhvil verilməsi ilə bağlı proqnozları dəyişib. ARDNŞ, birgə müəssisələr və əməliyyat şirkətləri tərəfindən birgə hazırlanan "Şahdəniz" və "Azəri"- "Çıraq"- "Günəşli" yataqları bərədə olan proqnozlara əsasən, 10 mlrd. 135 mln. kubmetr qaz hasil edilcək, ARDNŞ-dan verilən məlumatda belə deyilir. Əvvəlcə isə prqnozlar ARDNŞ, BM, əməliyyat şirkətləri, "Şahdəniz" və ABƏŞ-in qaz hasilatını 12 mlrd. 145 mln. kubmetr həcmində nəzərdə tuturdu.
"Şahdəniz" yatağından qaz hasilatı barədə proqnozlarda dəyişikliklər edilib. Əgər proqnozlar əvvəlcə 3 mlrd. 780 mln. kubmetr təşkil edirdisə, hazırda bu göstərici 1 mlrd. 200 mln. kubmetrə bərabərdir.
Bu arada ARDNŞ-ın qaz hasilatı ilə bağlı proqnozlar artıb. Şirkətin payına 5 mlrd. 720 mln. kubmetr qaz düşür. Əvvəlcə isə bu göstərici 5 mlrd. 215 mln. kubmetr səviyyəsində proqnozlaşdırılırdı.
Birgə müəssisələrin və əməliyyat şirkətlərinin göstəricisi sabit olub 150 mln kubmetr təşkil edir.
"Azəri-Çıraq-Günəşli" yatağından ABƏŞ tərəfindən qaz təhvili 3mlrd. kubmetr olmaqla sabit qalıb.
Bu ilin proqnozlarına əsasən, ARDNŞ, BM, əməliyyat şirkətləri 8 mln. 800 min ton neft hasil edəcəklər. Bu həcmin 7 mln. 610 min tonu ARDNŞ, 1 mln. 190 min tonu isə BM və əməliyyat şirkətlərinin payına düşür.
