Gürcüstan, Tbilisi / Trend müx. N.Kirtsxalia/ 2011-ci ilədək "Kaztransqaz" SC Tbilisinin qaz paylayıcı şəbəkəsinin yenidən qurulmasına $100 mln. həcmində investisiya yatırmaq niyyətindədir. Bu barədə brifinqdə SC-nin baş direktoru Serik Sultanqaliyev məlumat verib.
Tbilisi nümayəndəliyinin hesabına artıq $50 mln. göçürülüb. Bu vəsait cari ildə boru və sayğacların dəyişdirilməsinə sərf olunacaq.
Sultanqaliyevin sözlərinə görə, artıq "Kaztransqaz Tbilisi" MMC-nin inkişaf planı hazırlanıb. O, 2009-cu ilin 1 iyulunda başa çatacaq. Bu müddət ərzində qaz paylayıcı şəbəkənin 100 faiz yenilənməsi planlaşdırılır. Bundan əlavə, 2009-cu ilin ortalarında istehsalat proqramının 100 faizlik icrası gözlənilir. Bu proqram qaz itkisinin maksimal şəkildə məhdudlaşdırılmasını nəzərdə tutur.
Qazax investorlarının sözlərinə görə, onlar işə başlayanda itkilər 70 faiz təşkil edirdi. İndi isə bu göstərici 26 faizədək azalıb. Qazaxlar bu rəqəmi 9 faizədək endirmək niyyətindədirlər.
Sultanqaliyevin sözlərinə görə, Tbilisidəki istehlakçıların qaz istehlakına və ödəmələrə yanaşması da dəyişib. Şirkət artıq üzərinə götürdüyü öhdəlikləri yerinə yetirib və bu gün artıq xeyr gətirən biznes şirkəti hesab olunur. Tbilisidə şirkətin 1700 əməkdaşı işləyir. Onlardan yalnız 20 faizi qazaxlardır. Orta əmək haqqı 500 laridir.