Azərbaycan, Bakı / Trend / Azərbaycanın cənub bölgəsinin əsas enerji obyektlərindən birində, Astara elektrik stansiyasında 2007-ci ilin yeddi ayı ərzində 246 mln. KVt/saat (proqnoz 209 mln. KVt/saat) elektrik enerjisi istehsal olunub. Bu barədə "Azərenerji" SC-nin yaydığı məlumatda bildirilir. Astara elektrik stansiyası bu qurumun tərkibindədir.
2006-ci ilin analoji dövrü ilə müqayisədə bu, 113,5 mln.KVt/saat çoxdur. Ümumiyyətlə stansiyada 560 mln. KVt/saat elektrik enerjisi istehsal olunub.
Yeddi ay ərazində elektrik stansiyasında 1 KVt/saat elektrik enerjisinin istehsalı üçün planlaşdırılandan 8 qram az şərti yanacaq sərf olunub. Nəticədə yeddi ay ərzində 200 ton şərti yanacağa qənaət edilib.