Bakı. Trend:
ABŞ Konqresi Senatında 2022 -ci maliyyə ili üçün (1 oktyabrdan başlayaraq) 3,5 trilyon dollar məbləğində büdcə təklifləri paketi təqdim edilib.
Trend TASS-a istinadən xəbər verir ki, təqdim olunan sənədlərdə ekoloji təmiz enerji mənbələrindən istifadə edən istehsalçılar üçün vergi güzəştləri, ali təhsilə çıxışı asanlaşdıran proqramların həyata keçirilməsi, habelə milyonlarla miqrant üçün Amerika vətəndaşlığı almaq prosedurunu sadələşdirmək, ölkədə səhiyyə, təhsil və ətraf mühitin qorunması xərclərinin genişləndirilməsi nəzərdə tutulur.