Azərbaycan, Bakı / Trend , müxbir S.Babayeva/ Cümə axşamı günü "Regional innovasiya zonaları: Problemlər və həllər" konfransının gedişində Muxtar Respublikanın rabitə və informasiya texnologiyaları naziri Rövşən Məmmədovun bildirdiyinə görə, ölkədə 110 min telefon aparatı və 3 GSM operatorunun mövcudluğu ilə, Naxçıvan Muxtar Respublikasında (NMR) hər üç nəfərə bir mobil telefon düşür. Onun sözlərinə görə, muxtariyyətdə 220 ev telefonlaşdırılıb və 50.5 min telefon nömrəsi istismara verilib. Ölkədə hər 100 ailəyə 55 stasionar telefon düşür. Naxçıvanda kompüterləşdirilən 222 ümumtəhsil məktəbinin 110 - da internetə çıxış var. NMR - də hər min nəfərə 45 kompüter düşür. İnternet istifadəçilərinin sayı 18 mini keçib. Naxçıvan MR Azərbaycanın qərbində yerləşir. Şimalda və şərqdə Ermənistan, qərbdə və cənubda Türkiyə və İranla həmsərhəddir. Onun ümumi sahəsi 5.5 min kvadrat kilometr, əhalisi 360 min nəfərdir. Muxtar Respublikanın paytaxtı Naxçıvan şəhəridir.
...
