Azərbaycan, Bakı, 15 may / Trend , müxbir S.Babayeva/ Azərbaycanın rabitə və informasiya texnologiyaları naziri Əli Abbasovun Malayziyaya qarşıdakı səfəri zamanı tərəflər informasiya və kommunikasiya texnologiyaları sahəsində əməkdaşlığa dair sazişin imzalanmasını müzakirə edəcəklər. Bu barədə Azərbaycanın Rabitə Nazirliyi məlumat verib.
Abbasovun səfərinin əsas məqsədi BMT İqtisadi və Sosial Məsələlər üzrə Departamenti (UNDESA-GAİD) nəzdində İnformasiya və Kommunikasiya Texnologiyaları və İnkişaf üzrə Qlobal Alyansın forumunda iştirakdır. "Əlaqələndirmə və birləşmə: yenilikçi yolla inkişaf naminə İKT-nin maliyyələşdirilməsi" adlı forum, mayın 18-20-də Malayziyanın paytaxtında - Kuala-Lumpurda keçiriləcək.
Bu il forum Asiya və Sakit okean ölkələrində İKT-nin inkişaf məsələlərinə həsr olunacaq.
Abbasov MDB üzrə regional şəbəkənin sədri kimi, forum çərçivəsində Azərbaycan və MDB-də İKT sahəsinin inkişafı mövzusunda çıxış edəcək.
forumun birinci günüdə nazirin "Asiya və Sakit okean ölkələrində, o cümldən , digər inkşaf edən ölkələrdə əlaqələndirmə və birləşdirmə" bölməsində "MDB-də informasiya texnologiyalarının inkişaf tendensiyası və problemləri" mövzusunda çıxışı planlaşdırılıb.
Səfər çərçivəsində Anlaşma memorandu da müzakirə ediləcək. Memorandumu İKT sahəsində BMT ilə bağlmaq nəzərdə tutulur.
