Azərbaycan, Bakı, 11 dekabr/ Trend / Azərbaycanın mobil rabitə operatoru Azercell Telecom MMC üç ölkə ilə yeni GPRS/MMS rouminq xidmətlərini abonentlərinin istifadəsinə təqdim edib.
Şirkətin məlumatında bildirilir ki, Estoniyanın EMT, Lüksemburqun Tanqo (Tele2) və Lixtneşteynin Tele2 operatorları Azercell-in tərəfdaşları olublar.
Bu, Azercell-in Estoniya və Lüksemburq ilə ikinci, Lixtenşteyn ilə birinci rouminq müqaviləsidir. "Azercell" abonentləri hazırda Estoniyanın "Tele 2", Lüksemburqun isə "P&T" operatorlarının xidmətindən yararlanırlar.
Azercell Teleсom 68 ölkənin mobil rabitə operatorları ilə 160 GPRS/MMS rouminq sazişi bağlayıb.
Azərbaycanın ən iri GSM operatoru olan Azercell Telecom 3,5 mln. abonentə xidmət göstərir.