Azərbaycan, Bakı, 16 fevral / Trend , müxbir S.Babayeva/ Yaxın iki-üç ay ərzində Azərbaycanda ADSL böyük zolağlı internet istifadəçilərinin sayının xeyli artması gözlənilir. Bu barədə bazar ertəsi İnformasiya Siyasətinin analitik mərkəzinin direktoru, beynəlxalq Global Internet Policy Initiative layihəsinin koordinatoru Yaşar Hacıyev məlumat verib. "Bu, ölkədə qiymətlərin düşməsi nəticəsində baş verəcək", - Hacıyev deyib.
Onun sözlərinə görə, abunəçilərin artması yeni, məsələn e-banking kimi xidmətlərin tədbiqinə zəmin yaradacaq. Ekspert hesab edir ki, Azərbaycanda internet qiymətləri Belarusiyadan və yaxud Baltikyanı ölkələrdən bahadır, çünki bu ölkələrin Avropa internet xidmətlərinə birbaşa çıxışı var.
Haciyevin sözlərinə görə, bu gün internet istifadəçilərin sayına görə Azərbaycan Şərqi Avropa ölkələrinə çatır.
2008-ci ilin məlumatına görə, Azərbaycanda ADSL istifadəçilərinin sayı 20-30 min təşkil edir.
Müəlliflə əlaqə saxlamaq üçün elektron ünvan: [email protected]
