Azərbaycan, Bakı, 13 iyun / Trend müx C.Babayeva /
Azərbaycanın Rabitə və İnformasiya Nazirliyinin əməkdaşları poçt xidmətlərinin göstərilməsi sferasında Koreyanın təcrübəsini öyrənmək üçün ora dəvət olunublar, şənbə günü Rabitə Nazirliyindən bildiriblər.
"İyunun 20-dən 28-nə kimi davam edəcək səfər, bu həftə imzalanmış iki ölkə arasında poçt sferasında qarşılıqlı anlaşma haqqında memorandum çərçivəsində keçiriləcək",- Rabitə Nazirliyindən bildiriblər.
Azərbaycanın mütəxəssisləri Koreyanın poçt administrasiyası tərəfindən tətbiq edilmiş maliyyə poçt xidmətləri, o cümlədən elektron-poçt xidmətləri ilə tanış olacaq.
İmzalanmış memoranduma uyğun olaraq, tərəflər poçt sektorunun müxtəlif sahələrində əməkdaşlıq edəcəklər, o cümlədən kadr, təcrübə, qarşılıqlı maraq kəsb edən məlumat, poçt rabitəsi sahəsində texnologiya və.s mübadiləsi ediləcək.
Məqalə müəllifi ilə əlaqə ünvanı:[email protected]
