Azərbaycan, Bakı, 18 iyul / Trend , müxbir H.Vəliyev /
"Azərbaycanın Rabitə və İnformasiya Texnologiyaları Nazirliyinin Dövlət Radiotezliklər İdarəsinin (DRİ) Efir nəzarəti şöbəsi tərəfindən ikinci rübdə 201 efir pozuntusu qeydə alınıb", - DRİ-nin məlumatında deyilir.
İdarənin məlumatına görə, hesabat dövrü ərzində 428 radiorabitə şəbəkəsi və 1026 radiotezlik resurslarına nəzarət həyata keçirilib. Efirdəki qayda pozuntularının aradan qaldırılması məqsədi ilə nəzarət şöbəsi tərəfindən müvafiq müəssisələrə xəbərdarlıq məktubları göndərilib.
DRİ tərəfindən qeydiyyatdan keçməmiş 43 vahid tezlik resursu, 29 VSAT çanaq terminalı aşkarlanıb.
Mobil rabitə sektoru üzrə "Azercell Telecom" MMC-nin doqquz baza stansiyası (BS) və 14 radiorele xətti (RRX), Bakcell-in 16 BS və 14 RRX, həmçinin "Azerfon" şirkətinin 19 BS və 28 RRX-si qeydə alınıb.
Məqalə müəllifi ilə əlaqə ünvanı: [email protected]
