Azərbaycan, Bakı, 22 iyul / Trend , müxbir H.Vəliyev /
Rabitə və İnformasiya Texnologiyaları Nazirliyi (RİTN) "Azercell" və "Azerfon" operatorlarını yaranmış mübahisəni danışıqlar yolu ilə həll etməyə çağırır. Bu barədə çərşənbə günü jurnalistlərə rabitə və informasiya texnologiya nazirinin müavini Elmir Vəlizadə deyib.
Nazir müavinin sözlərinə görə, hər operator öz abonentlərinin maraqlarını nəzərə almalıdır və hazırkı anlaşılmazlıq respublikanın qanunvericiliyə əsasən həll edilməlidir.
"Biz sözügedən mübahisəni təqdir etmirik və hesab edirik ki, hazırkı vəziyyətdə ilk növbədə istifadəçilərin hüquqlarına ziyan vurulur", - Vəlizadə deyib.
O həm də qeyd edib ki, RİTN-in öz səlahiyyətləri var və danışıqlar uğurlu olmasa, nazirlik qanun çərçivəsində müəyyən addımlar ata bilər.
Məqalə müəllifi ilə əlaqə ünvanı: [email protected]
