Azərbaycan, Bakı, 7 avqust /Trend, müxbir Q.Vəliyev/
Azərbaycan Dövlət Gömrük Komitəsi ölkəyə qaçaqmalçılıq yolu ilə gətirilən mobil telefonların qarşısını alıb. Bu barədə komitənin məlumatında deyilir.
Onları Azərbaycana Gürcüstan və İrandan gətirməyə çalışıblar.
Gömrük əməkdaşlarının keçirdikləri əməliyyat nəticəsində, 159 müxtəlif modelli mobil telefon və 700-dən çox aksessuar (qarnitur, USB-kabel və s.) müsadirə olunub.
Yükün dövlət sərhədini keçməsi üçün müvafiq sənədi olmayıb. Qaçaqmal yükü tutulub və anbarda saxlanılır, faktla bağlı ekspertiza və qiymətləndirmə aparılır. Fakt üzrə cinayət işinin qaldırılması məsələsi həll edilir.
