Azərbaycan, Bakı, 24 yanvar /Trend, müxbir H.Vəliyev/
Azərbaycan rabitə və informasiya texnologiyaları naziri Əli Abbasov "Aztelekom" və "Bakı Telefon Rabitəsi" istehsalat birliklərinin başçılarına özəl internet-servis provayderlərinin biznesinin inkişafı məqsədilə zəruri şəraitin yaradılması üçün kömək etməyi tapşırıb.
Abbasovun sözlərinə görə, dəfələrlə dövlət rabitə operatorlarının telekommunikasiya şəbəkələri vasitəsilə bəzi provayderlərin fəaliyyətinin genişləndirilməsində maneələrlə bağlı şikayətlər daxil olub ki, bu da yolverilməzdir.
"Birinin təşviqi və digərinə qarşı qabaqcadan müəyyən edilən münasibət yolverilməzdir", - nazir deyib.
Nazir həmçinin operatorların öz şəbəkələrində genişmiqyaslı qoşulmaların inkişafı üçün zəruri olan hər şeyi etməyi də tapşırıb. Onun fikrincə, bu, onların bir abonentə (ARPU) bu gün 16 manata çatan xidmətin genişzolaqlı internet sayəsində satışından əldə olunan orta aylıq gəlir göstəricilərini bilavasitə yaxşılaşdıra bilər.
"Hazırkı nömrə tutumu 600 minə çatan "Bakı Telefon Rabitəsi"ndə genişzolaqlı qoşulmalar 200 mindən az olmamalıdır. "AzDataCom" şəbəkəsi üzrə bu gün 200 min təşkil edən qoşulmaların sayı da qaneedici deyil. Onun malik olduğu texniki imkanları nəzərə alaraq, "AzDataCom" şəbəkəsi üzrə aylıq qoşulmaların sayı bir milyonadək çatmalıdır. Buna nail olmaq üçün marketinq, genişmiqyaslı reklam lazımdır", - Abbasov bidlirib.
