Azərbaycan, Bakı, 24 oktyabr /Trend, müxbir H.Vəliyev/
Vergilər Nazirliyi Bakı Metropoliteninin stansiyalarında məlumat köşkləri quraşdırmağa başlayıb. Bu barədə çərşənbə günü Trend-ə nazirlikdən bildirilib.
Sensor monitorlu elektron aparat nazirliyin məlumat resurslarına çıxışı təqdim etmək üçün nəzərdə tutulub. Aparat hələlik metronun bir neçə stansiyasında quraşdırılıb.
Vergi ödəyiciləri məlumat köşklərinin köməyi ilə nazirliyin saytından pulsuz məlumat əldə edə biləcəklər. Bu məlumatlar sorğu xarakterli, vergi qanunvericiliyi və s. sahələrlə bağlıdır.